Күннің тарихы... Арапа күнінің маңыздылығы

Қасиетті түндерге өзінен кейін келетін күннің есімі беріледі. Яғни алдымен түні, кейін күні келеді. Бірақ Арапа және Құрбан айттың үш түні бұлай емес. Бұл төрт түн күндерінен кейін келеді. Арапа тек қана Зүл-хиджаның 9-шы күні. Яғни Құрбан айттан бір күн бұрынғы күн. Рамазан айтынан бұрынғы күнге және басқа да күндерге арапа деп айтылмайды.

Арапа күні жасалатын амалдардың кейбірлері мыналар:

1) Арапа күні таң намазынан бастап Құрбан айттың төртінші күні екінді намазына дейінгі 23 намазда еркек-әйел барлық адам парыз намаздардан кейін сәлем бере сала «Аллаһуммә әнтәссәлам...» дұғасын оқымай тұрып уәжіп болған тәшриқ тәкбірін оқуы керек.

Тәшриқ тәкбірі: «Аллаһу әкбар, Аллаһу әкбар. Ла илаһә иллаллаһу уаллаһу әкбар. Аллаһу әкбар уә лилләһил-хамд.»

2) Зүл-хиджаның алғашқы 9 күнінде ораза тұту өте сауапты болады, бірақ Арапа күні ораза тұтудың сауабы одан да көбірек. 

«Арапа күні ұсталған ораза 1000 күн тұтылған (нәпіл) оразаға тең.» (Табарани)

3) Бұл күнді бір мүмкіндік деп білу керек. Оны жіберіп алмауға тырысу керек.

«Дұғаның қадірлісі – Арапа күні жасалған дұға.» (Бәйһақи)

4) Арапа күнін ғибадатпен, Аллаһу та’аланы зікір, тәфәккур етіп өткізуге, адамдарға жақсылық жасауға тырысу керек! Ең құнды ғибадат ілім үйрену болып табылады.

«Арапа күні құлағына, көзіне және тіліне ие болған адам кешіріледі.» (Табарани)