Денсаулық ... Көп-көп су ішу керек

Күніне кемінде 2 л су ішу керек дегендей сөздерді жиі-жиі естиміз. Мидан бастап асқазанға дейін денедегі бүкіл мүшелердің су қажеттілігі бар. Сондықтан мол су ішіп денедегі су жетіспеушілігінің алдын алу керек.

Кофеинсіз кофе, шай немесе шекерсіз табиғи сусындар, сумен араласқан жеміс шырындары және басым бөлігі судан тұратын қарбыз сияқты өнімдер де құрамында карбонгидрат немесе тұз мөлшері көп болмаса, су орнына өтеді.

Кофеинді шай, кофе, кола секілді сусындар денедегі су жетіспеушілігін одан да арттыратындықтан, қосымша тағы су ішу керек. Судың денеге пайдалары: дене температурасын тұрақтандырады. Азық, қалдық және оттегі тасымалдайды. Бүйрек және бауырдағы қалдықтарды (шлак) тазалайды. Витамин және минералдардың тарауын қамтамасыз етеді. Денені жарақаттанудан қорғайды. Клеткалардың және бұлшықеттердің бірігуін қамтамасыз етеді. Тері клеткаларын ылғалдандырады және сауықтырады. Ас қорытуда жоғарыдан төмен қарай ретімен астың қорытылуынан сіңірілуіне және де ең соңында қалдықтардың шығуына дейін судың міндеті орасан зор.

Денеде орын алатын күніне 2-4 литр су шығынының орнын қайта толтырып тұру қажет. Ересек адамның денесінде 40-50 литр су болады. Қанның 83%, бұлшықеттердің 75%, мидың 74%, сүйектердің 22% судан тұрады. Денеде 20% су жетіспеушілігі болуы өте қауіпті және өлімге дейін жетелейді. Қажетті мөлшерде су ішпеген жағдайда: Мидың жұмыс істеуі баяулайды. Қан қоюланады. Жүрек көп жұмыс істеуге мәжбүр болады. Нәжіс сары түсті болады. Іш қатуына (запор) себеп болады.

Су жетіспеген жағдайда мына жағдайлар байқалады: бас ауруы, бас айналуы, шаршау және әлсіздік, ойдың тынықтығы бұзылады, тәбетсіздік және т.б.

Биік жерлерде, ауа ыстық және ылғалды болса, грипп немесе дене қызуы көтерілген жағдайда тұтынатын су мөлшері көбірек болуы керек.