Мәлімет... Қазақстанда оқушы саны көбеюде

Соңғы жылдары Қазақстанның білім беру жүйесінде оқушылар санының айтарлықтай өсуі байқалады. Мектептердегі бала санының артуы жаңа мектептерге, мұғалімдерге, оқушы орындарына және білім беру инфрақұрылымына деген сұранысты күшейтіп отыр.

Ресми статистикаға қарасақ, Қазақстанда туу көрсеткіші 2020-2021 жылдары жоғарылағанымен, кейін төмендей бастаған. Соған қарамастан, мектепке келіп жатқан балалар саны біраз уақыт бойы жоғары деңгейде сақталып отыр.

2020 жылдан бері 1-сыныпқа қанша бала барды?

Қазақстан Үкіметінің «Жайлы мектеп» ұлттық жобасына қатысты ресми құжатында соңғы үш оқу жылындағы 1-сынып оқушыларының нақты саны көрсетілген. Оған сәйкес:

2020-2021 оқу жылы – 367 301 бала;

2021-2022 оқу жылы – 392 010 бала;

2022-2023 оқу жылы – шамамен 401 000 бала.

Осы үш жылда 1-сыныпқа жалпы 1,16 миллионнан астам бала барған. Бұл мектеп жүйесіне түсетін демографияның қаншалықты өскенін көрсетеді.

2023-2026 жылдары жағдай қалай өзгерді?

2023 жылдан бастап бірінші сыныпқа қабылданатын балалар саны бұрынғыдай үнемі өсе берген жоқ.

2023-2024 оқу жылында шамамен 382 мың бала алғаш рет мектеп табалдырығын аттады. Сол оқу жылында 11-сыныпта оқитындардың саны да рекордтық деңгейге жетіп, 188 900 оқушы болды.

2024-2025 оқу жылында бірінші сыныпқа 351 176 бала қабылданды. Бұл 2023 жылғы көрсеткіштен төмен.

Ал, 2025-2026 оқу жылында мектептерге 363 мыңнан астам бала 1-сыныпқа қабылданған болса, 2026-2027 оқу жылында бірінші сыныпқа 380 мыңнан астам бала қабылданды. Осы оқу жылында Қазақстан мектептерінде жалпы 4,1 миллионнан астам бала білім алуда.