Сұхбат... Алтын сөздер (2)

 

● Аллаһу та’ала дүниенің пайдасыз және зиянды нәрселеріне құмар болмағандарды жақсы көреді. Ал адамдар біреудің қолындағыға құмар болмаған және көзін тікпеген кісіні жақсы көреді. 

● Бір жердің тыныштығы кетіп, түсініспеушілігі, араздығы бар болса, мұның себебі міндетті түрде біреуі біреуінің қолындағына көз тіккендіктен.  

● Кейбір адамдарда жамандық жасау жаратылысында бар. Олардан үнемі жамандық шығады. Ондайлардан жақсылық шыққанын көрсең таңқалу керек.

● Ешкімге жүк болмау керек. Сахабалардың біреуінің қамшысы түсіп кетсе, төменде адамдар болса да ешкімге айтпай түйесінен түсіп өзі алатын. 

● Алдын ала шара қолдану, себептерге жүгіну, іс жасамас бұрын ақылдасу нәпсіге қиын келеді.

● Күлімдеп жүру имандықтың белгісі. Қабағын түйіп жүретін мұсылманның имансыз кету қауіпі бар.

● Аллаһу та’аланың бір құлын жақсы көрмейтіндігінің белгісі – оның үнемі пайдасыз нәрселермен әуре болуы.

● Сәттілікке, жетістікке жетудің жолы қарапайым болуда. Қарапайым болғанды Аллаһу та’ала көтереді. Ол қарапайым болған сайын одан да биікке көтеріледі. Аллаһу та’ала тәкаппарланғанды төмендетеді.

● Мұсылманға қабағын түйіп қарау да кісі ақысына жатады. Сонымен қатар ғайбат ету, ренжіту және суизан ету де кісі ақысы.

● Кімде-кім Аллаһтың әмірлеріне мойынсұнбаса, Аллаһты жақсы көремін деп айтуы дұрыс болмайды.

● Діннен бір мәселе үйрету жүз мың умра сауабынан да қадірлі.

● Өлімді көп ойлау өмірді ұзартады, жүректі сергітеді. 

● Дұрыстықтың таралуы өрге шыққандай қиын болады. Ал жамандықтың таралуы желдей тез болады.

● Ахиретке пайдасы болмаған барлық нәрсе дүниелік болып есептеледі.

● Исламға қызмет ету үшін үш шарт бар. Күлімдеп жүру, жылы сөйлеу, жомарт және толық ықыласты болу.