Отбасы... Мектеп жасына дейінгі бала тәрбиесі

Мектеп жасына дейінгі кезең (шамамен 3-6 жас) баланың мінезі, ойлау жүйесі және өмірге көзқарасы қалыптасатын ең маңызды уақыт. Бұл кезде «не үйретсең, сол бойына сіңеді». Сондықтан тәрбие жүйелі, саналы болуы керек.

 

Негізгі мән беру керек нәрселер:

1. Мінез бен әдет қалыптастыру.

Бұл жаста бала жақсы мен жаманды ажырата бастайды.

– Сәлем беру, рақмет айту, үлкенді сыйлау.

– Өтірік айтпау, біреудің затын алмау.

– Тәртіпке үйрену. Мұны сөзбен емес, өз үлгіңмен көрсету маңызды. Бала естігенінен емес, көргенінен үйренеді.

2. Эмоциялық тәрбие.

Қазір көп ата-ана осыны жіберіп алады.

– Бала өз сезімін түсіне білуі керек (ренжу, қуану, ашулану).

– Эмоциясын дұрыс жеткізуге үйрету.

– Ұрып-соғу, қорқыту – үлкен қате. Баламен сөйлесу, тыңдау өте маңызды.

3. Ойлау және тіл дамыту.

Бұл кезеңде ми өте тез дамиды.

– Кітап оқу (күн сайын!).

– Сұрақтарына ерінбей жауап беру.

– Әңгіме айтқызу. Телефонды «тәрбиеші» қылма. Ол ойлау қабілетін тежейді.

 

Қай бағытта тәрбиелеу керек?

1. Адамгершілік бағыт – адал, мейірімді болу.
2. Зияткерлік бағыт – ойлау, үйренуге қызығу.
3. Физикалық даму – қозғалыс, спорт.
4. Рухани тәрбие – ұят, ар, құрмет.