Сұхбат... Ясин сүресінің пайдалары

Хадис шәрифте былай делінген:

«Құран кәрімде бір сүре бар, оған Аллаһ дәрежесінде «Азыйма» делінеді. Бұл сүрені оқыған адам қиямет күні көптеген адамдарға шапағат етеді. Бұл сүре – «Ясин» сүресі».

«Ясин» сүресін оқудың біршама пайдалары:

1) Ажалы келмеген науқас шипа табады.

2) Ажалы келген науқас өлім азабын тартпайды.

3) Өлген кезде жәннат періштелерін көреді.

4) Адам қорыққан нәрсесінен сақ болады.

5) Мұқтаждар жәрдемші табады.

6) Аш адам тоқ болады. Яғни күтпеген жерден ризық келеді.

7) Сусыз қалған адам қанғанша жететін су табады.

8) Бойдақтардың үйленуі оңай болады.

9) Киімі жоқ адам киім табады.

10) Жоғалған нәрсе табылады.

Бірақ осыған ниет етіп және сеніп оқу керек.

Имам Шарани хазрет былай деген:

«Ауруымнан жазылсам немесе пәлен жұмысым жүріп кетсе, сауабын хазреті Сәйидәт Нәфисаға бағыштау ниетімен үш рет «Ясин» сүресін оқу немесе бір қой сою нәзірім (атағаным) болсын десе, осы тілегінің қабыл болатындығы көп рет тәжірибе етілген».

Хадис шәрифтерде былай делінген:

«Әр түні «Ясин» сүресін оқуды әдет қылып, сол жағдайында қайтыс болған адам шәһид дәрежесінде болады».

«Жұма түндері «Ясин» сүресін оқыған адам таңды Аллаһу та'аланың кешіріміне қауышқан күйде қарсы алады».