Күннің тарихы... Эйфель мұнарасы

Атауы: Эйфель мұнарасы (Tour Eiffel).
Орналасқан жері: Париж, Франция.
Салынған жылы: 1887-1889.
Биіктігі: 330 метр (антеннасымен бірге).
Салмағы: 10 100 тонна.
Құрылыс материалы: Болат (темір конструкциялар).
Сәулетші: Гюстав Эйфель (Eiffel & Cie компаниясы).
Құрылыстың ұзақтығы: 2 жыл, 2 ай, 5 күн.
Жұмсалған қаржы: Эйфель мұнарасын салуға 7,8 миллион франк жұмсалды. Бұл сома қазіргі бағамен шамамен 40 млн еуро немесе 45 млн доллар болар еді.

Құрылысы және тарихы

Эйфель мұнарасы 1889 жылы Парижде өткен Бүкіләлемдік көрме (Exposition Universelle) үшін арнайы салынған. Оның бастапқы мақсаты – Францияның инженерлік жетістіктерін көрсету және көрменің басты символы болу еді. Мұнараны салу идеясын Гюстав Эйфель басқаратын инженерлер тобы (Морис Кёшлен мен Эмиль Нугье) ұсынды. Құрылыс жұмыстары 1887 жылы 28 қаңтарда басталып, 1889 жылы 31 наурызда аяқталды.

Мұнара 18 038 темір бөлшектен тұрады, оларды біріктіруге 2,5 миллион болт қолданылды. Желге төзімділікті арттыру үшін конструкция аэродинамикалық есептеулер бойынша жасалған.

Эйфель мұнарасының үш деңгейі бар:

Бірінші қабат (57 м) – мейрамханалар мен көрме залдары орналасқан.
Екінші қабат (115 м) – шолу алаңы мен мейрамхана бар.
Үшінші қабат (276 м) – Парижді биіктен көруге болатын шолу алаңы бар.

Қызықты деректер: Мұнара қыс мезгілінде 15 см-ге дейін қысқарады (температура әсерінен); Гитлер Францияны басып алған кезде, мұнараның лифтілері әдейі істен шығарылды, сондықтан немістер жаяу көтерілуге мәжбүр болды; 1925 жылы Виктор Лустиг есімді алаяқ мұнараны темірге сатамыз деп бір бизнесменді алдап кеткен.