Үй үшін... Практикалық мәліметтер

¨ Бәлішті пісіргенде бетінің қызарып пісуін қаласаңыз, қамырдың үстіне жұмыртқа немесе айран жағылады.

¨ Баклажанның ашысын кетіру үшін, қабығын ашып немесе турап біршама уақытқа тұзды суға салып қою керек.

¨ Кесілген және ашық ауада қалған пияз зиянды болады. Артылып қалған пияздар стретч пленкаға (ас үйлік жұмсақ рулон кленкаға) оралады. 

¨ Тышқандардан құтылу үшін жүретін жерлеріне қара бұрыш себілсе, тышқандар  қашады.

¨ Мыстан жасалған ыдыстардың жылтырауын қаласаңыз, оларды сірке немесе лимон және тұзбен ысқалаңыз.

¨ Қатып қалған етті тең мөлшердегі сірке және сұйық майға салып қойыңыз! Тез арада жұмсағанын көресіз.

¨ Салат жапырағы және сүтшөптердің жапырақтары пышақпен емес, қолмен туралса дәрумендерін жоғалтпайды.

Күннің тарихы... Меккенің алынуы

Пайғамбарымыз Мәдинадан хижреттің 8-ші жылы (1 қаңтар 630 ж) Рамазан айының 10-ы дүйсенбі күні 12000 адамдық әскермен жолға шыққан еді. Рамазан шәриф айының 20-сы (11 қаңтар) бейсенбі күні соғыспастан, Меккені бағындырды. Дұшпандарына: «Сендердің ешқайсыларыңды жауапқа тартпаймын. Барыңдар, бәрің боссыңдар”,- деді.

Қағбаны пұттардан тазартты, Хазреті Біләл Қағбаның дуалына шығып, алғаш рет азан шақырды. Осылайша  мұсылмандар көшіп кеткен Меккемен, Қағбамен  және атамекендерімен қайта қауышты.