Жалғасы... Абдуллаһ бин Тахирдің насихаты (2)

♦ Жаман қалаулардан және зұлымдық атаулыдан аулақ бол! Тіпті ондайды ойыңа да алма! Ашуланған кезіңде өзіңе ие бол! “Мен болса да басшымын, қалағанымды істеймін” деп ойлаушы болма! Бұлай ойлау Аллаһу та’аладан алыстаудың белгісі.

♦ Жақсылықтарды, сауапты амалдарыңды көбейт! Малдан гөрі өзіңмен мәңгі қалатын, ахиретте кәдеңе жарайтын сауап жи! Ниғметке шүкір етушілерді жақсы таны, оларды марапатта! Ниғметке шүкір етпей, аяқ асты ететіндерге жақсылық етпе! Қиянат жасайтын, жаман адамдарды жақсы деп қабылдап жүрме! Өзіңді ұнатып, тәкаппарлыққа салынып жүрме!

♦ Қарамағыңдағы адамдардың қажеттілігін қамтамасыз ет! Айлықтарын арттыр! Адамдарға жақсылық жасау, мұқтаждықтарын кетіру үлкен ниғмет! Мұны атқаруды қолдан жіберіп алма!

♦ Бүгінгі ісіңді ертеңге қалдырма! Жасаған ісіңді, жақсылығыңды міндетсінбе!

♦ Лауазымға тағайындау кезінде тәжірибелі, өз ісінің маманы болған адамдарды таңда. Халықтың ризығы жеткілікті болуына мән бер! Бұл өте маңызды мәселе. Басқа істермен әуре болып, бұған немқұрайлы қарап жүрме!

♦ Өткен күндерден сабақ ал! Өткен әміршілердің халдерінен ғибрат ал!

Күннің тарихы...                         Бірінші Дүниежүзілік Соғыс

     Бірінші дүние жүзілік соғыс (28 шілде 1914 – 11 қараша 1918) адамзат тарихындағы ең кең ауқымды соғыстардың бірі. Соғыс нәтижесінде төрт империя – Осман империясы, Ресей империясы, Австрия-Венгрия империясы және Германия империясы жойылды. Бірінші Дүниежүзілік соғысқа Еуропа құрлығынан бастап, дүниенің бес құрлығынан көптеген мемлекеттер қатысқан және материалдық зардаптармен қоса 12 миллионға жуық адам өліп, 55 миллионға жуығы жараланған.