Сұхбат ... Маңызды сұрақтармен жауаптары

• Өте бай болу үшін не істеу керек?
• Қанағатшыл болған адам адамдардың ең байы болады.
• Ең қайырлы (жақсы) адам болу үшін не істеу керек?
• Адамдардың ең қайырлысы адамдарға пайдасы көп тиетіндер.
• Өте әділетті болу үшін не істеу керек?
• Өзі үшін қалағанын, басқаларға да қалаған кісі адамдардың ең әділеттісі болады.
• Аллаһтың ең хас (жақсы) құлы болу үшін не істеу керек?
• Аллаһты көп зікір етіп еске алған адам Оның ең жақсы құлы болады.
• Кәміл иманға қауышу үшін не істеу керек?
• Жақсы мінезді болу керек.
• Ахиретте нұр ішінде тірілгісі келген адам не істеуі керек?
• Ешкімге зұлымдық жасамаған адам ахиретте нұр ішінде тіріледі.
• Күнәлары азаюы үшін не істеу керек?
• Истиғфар (астағфируллаһ сөзін) айтып күнәларының кешірілуі үшін Аллаһқа жалбарынған адамның күнәлары азаяды.
• Ризықтың мол болуы үшін не істеу керек?
• Тазалыққа мән беретін адамның ризығы көп болады.
• Аллаһу та’ала мен пайғамбарымызға жақсы көріну үшін не істеу керек?
• Олардың достарын жақсы көру, дұшпандарын жаман көру керек.
• Аллаһтың ғазабынан (ашуынан) құтылу үшін не істеу керек?
• Ешкімге ашуланбайтын адам Аллаһтың ғазабынан құтылады.
• Дұғалардың қабыл болуы үшін не істеу керек?
• Харам жеуден аулақ болған адамның дұғалары қабыл болады.
• Адамдардың жанында масқара болмау үшін не істеу керек?
• Намысын қорғаған, пәк болған адам адамдардың жанында масқара болмайды.
• Айыптардың (кемшіліктердің) жасырын қалуы үшін не істеу керек?
• Дін бауырының айыптарын жапқан адамның айыптарын Аллаһу та’ала жабады.
• Күнәларды не кештіреді?
• Көз жастары және аурулар.
• Ең қадірлі жақсы амал?
• Жақсы мінез, қарапайымдылық, бәлеге сабыр және қазаларға разылық...
• Ең үлкен күнә қандай?
• Жаман мінез.

(Берілген жауаптардың барлығы Хадис шәрифтерден алынған)