Сұхбат... Сыйлық беру

    Сыйлық беру; сыйлық алған кездегідей адамды бақытқа, қуанышқа бөлейтін ерекше керемет бір амал. Сыйлық алғанда да бергенде де мән берілетін жағдайлар бар:

· Сыйлық берерде қарсыңдағы адамға оның талғамын ойлай жүріп таңдағаныңды білдіру керек.

· Сыйлықты күлімдеп шын-жүректен беру керек.

· Бағасы жазылған етикетін алып тастау керек.

· Өзіңде бар болған нәрсе алып келсе де «менде мұндай бар еді» деп қарсыңдағыны қиын жағдайға түсірмеу керек.

· Басқа біреу арқылы жіберетін сыйлыққа бір қағазға өз атыңды білдіріп бір екі жылы сөз жазып жіберу керек.

· Жалпыға бірдей қағида: Ешқашан қарсыңдағының бюджетінен асатын өте қымбат сыйлықтарды таңдамау керек.

· Сыйлық тікелей өзіңе берілген болса да, пакетті міндетті түрде әкелген адамның көзінше ашып рахмет айту керек.

· Сыйлық біреу арқылы жіберілген болса телефон шалып рахмет айту керек.

 

Күлімдейік... Жағдай

Профессор студенттеріне бір рентген кескінін көрсетіп: «Бұл науқас ақсаңдап жүреді. Өйткені кескінде көріп тұрғандарыңдай сол аяғы, оң аяғынан қысқа. Сендер мұндай жағдайда не істер едіңдер?» дейді. Біраз уақыт ешкімнен үн шықпайды. Сосын студенттердің бірі рұқсат сұрап былай дейді: «Шынын айтсам, мұндай жағдайда мен де ақсаңдап жүрер едім».