Денсаулық ... Денсаулықтың басты дұшпаны – тұз.

50 мемлекеттен 210 медицина кәсіпкері WHO-ның (Дүние жүзілік денсаулық сақтау ұйымының) қолдауымен “Тұзға қарсы күрес” атты ұранмен, шамадан тыс қолданылған тұз денсаулықтың ең алдыңғы қатарлы дұшпаны деп жариялады.  

Тұздың шамадан тыс қолданылуы жүрек ауруы, паралич, қан қысымының көтерілуі, астма және бүйректе тас жиналуының ең басты себептері екендігін анықтаған мамандар, әрі тұтынушыларға, әрі азық шығаратын өнеркәсіптерге “тұзды азайтыңдар” деген жолдаманы тарата бастады.  

Мамандардың жасаған зерттеулері бойынша адамның бір күндік тұз қажеттілігі 4 гр. Ең көп алуы керек болған мөлшер 6 гр. Алайда дамыған елдерде, әсіресе дайын азық тұтыну себебімен адамдардың күндік тұз алу мөлшері 12-18 гр дейін жеткен. Егерде бұл шама 3 грамға дейін түсетін болса, дүние жүзіндегі паралич көлемі 22%, ал инфарктан өлім мөлшері 16%-ға төмендейтіні көзделіп отыр.

Бұл зерттеулер 40 жастан кейін тұздың зияндығы одан да арта түсетінін көрсеткен.

Тарих... Өртелген ат

Орта ғасырлардағы Еуропа шіркеулері христиандыққа қайшы деп санаған әрекеттердің себебінен тек адамдарды ғана емес, жануарларды да соттап, әртүрлі жазалар беруімен танымал.

Мысалы 1601 жылы, әртүрлі ойындар мен өнерлерге жаттықтырылып үйретілген аттың шеберлігі, поптардың көзбояушылықтарына қарсы бәсекелес саналғандықтан сотталып, денесіне шайтан кірді деген айыппен, өлтірілуіне шешім қабылданып, тірідей өртелді!