Мақала... Кітап және балаларымыз

Баланы жас кезінен бастап кітапқа баулу керек. Бала кітапты ашады, парақтайды, суреттеріне қарайды. Кітаптағы суреттер баланың санасын ашатын, қиялын қанаттандыратын, түсіну қабілетін арттыратын ірі, қарапайым және түрлі-түсті болуы қажет. Бала кітаптан жалғыз кезінде де, қасында адам бар кезде де пайдалана алады, өзіне қажет мәліметтер алады. Ол өмірінде еш кездеспеген жап-жаңа нәрселермен кездеседі. Кітап – қазына. Білімнің қайнар бұлағы. Баланың әріптерді көріп тануына, есте сақтау қабілетін, ой-өрісін дамытуына себепкер ұстаз. Мектеп жасына дейінгі балаларға үлкен оңай парақталатын кітаптар беру керек. Әлі оқу, жазуды білмейтін балалар кітаптағы ертегілерді суреттерімен көруі керек. Оларға кітапты ақырын, мағыналы түрде оқу керек. Осылайша балаңыз бен кітап арасында достық құра аласыз.  

Асхана...

Асқабақ тосабы

Қажетті заттар: 1 кг асқабақ, 850 гр шекер, 1 лимон, 1 апельсин.

Дайындалуы: Асқабақты қабығынан және дәндерінен тазалап төртбұрыш етіп тураймыз. Лимонды қабығымен бірге майдалап тураймыз, дәндерін алып тастаған жақсы. Апельсинді қабығын ашып майдалап тураймыз, дәндерін алып тастаймыз. Барлығын араластырып бетіне шекерді сеуіп ерігенге дейін қоямыз. Бір түнге қойса да болады. Кейін пешке қойып қайнатамыз, шамамен 30-40 мин. Одан кейін стерильденген банкаларға жауып, 10-12 сағ шамасында орап қоямыз.

Ескерту: Бұл нұсқада асқабақ бөліктері төртбұрыш (бүтін) күйінде қалады. Егер пюре болатындай майда болуын қаласаңыз барлығын шеккіштен өткізіп қайнатуға болады. Қыстың соңында тосаптардың запасы азайған шақта дайындауға болатын қол жетімді әрі құнарлы, пайдалы азық түрі. Асқабақ екендігі байқалмайды дерлік дәмді тосап болып шығады.