Әдеп-ахлақ - Жақсы мінез (2)

Жақсы мінез жанашырың жалғасың,
Ғылым үйрен, оқудан көз талмасын,
Заман тұрмас қадірін біл уақыттың,
Бүгінгі іс ертеңгіге қалмасын.

Жақсы мінез сарқылмайтын қазына,
Қанағат қыл қолыңдағы барына,
Өкінішпен қайғы келмей тұрғанда,
Ғибадат қыл парызыңды орында.

Адамдарға жаса жақсы мәміле,
Разы болсын сенен жас та кәрі де,
Араздаумен кек сақтаудан аулақ бол,
Қапа қылма ешкімді де ренжітпе.

Жақсылықты өн-бойыңа жиғайсың,
Қылмыс атты жұттан аулақ тұрғайсың,
Дініміздің ізгілігін паш етіп,
Адамдарға жақсы үлгі болғайсың.

Ислам діні көркем мінез бұлағы,
Әділетпен ізгіліктің тұрағы,
Дінисламның үкіміне мойынсұн,
Маңдайыңа бақ-береке тұнады...