Сұхбат - Алтын сөздер (2)

Аллаһу та’ала дүниенің пайдасыз және зиянды нәрселеріне құмар болмағандарды жақсы көреді. Ал адамдар, адамдардың қолдарындағыға құмар болмаған және көзін тікпеген кісіні жақсы көреді.
Бір жердің тыныштығы кетіп, түсініспеушілігі, араздығы бар болса, міндетті түрде біреуі біреуінің қолындағына көз тіккені үшін.
Кейбір адамдарда жамандық жасау жаратылысында бар. Бұлардан үнемі жамандық шығады. Ондайлар жақсылық жасағанында таң қалу керек.
Ешкімге жүк болмау керек. Сахабалардың біреуінің түйеден қамшысы түсіп, төменде адамдар болса да ешкімге айтпай түсіп өздері алатын.
Алдын ала шара қолдану, себептерге жабысу, іс жасамас бұрын ақылдасу нәпсіге қиын келеді.
Күлімдеп жүру имандықтың белгісі. Қабағын түйіп жүретін мұсылманның имансыз кету қауіпі бар.
Аллаһу та’аланың бір құлын жақсы көрмейтіндігінің белгісі – оның үнемі пайдасыз нәрселермен әуре болуы.
Сәттілікке, жетістікке жетудің жолы қарапайым болуда. Қарапайым болғанды Аллаһу та’ала көтереді. Ол қарапайым болған сайын одан да биікке көтеріледі. Аллаһу та’ала тәкаппарланғанды төмендетеді.
Мұсылманға қабағын түйіп қарау да құл ақысына жатады. Сонымен қатар ғайбат ету, ренжіту және суизан ету де құл ақысы.
Кімде-кім Аллаһтың әмірлеріне мойынсұнбаса, Аллаһты жақсы көремін деп айтуы дұрыс болмайды.
Діннен бір мәселе үйрету жүз мың умра сауабынан да қадірлі.
Өлімді көп ойлау, өмірді ұзартады, жүректі сергітеді.
Дұрыстың таралуы өрге шыққандай болады. Ал жамандықтың таралуы желдей тез болады.
Ахыретке пайдасы болмаған барлық нәрсе дүниелік болып есептеледі.
Исламға қызмет ету үшін үш шарт бар. Күлімдеп жүру, жылы сөйлеу, жомарт және толық ықыласты болу.
Хазреті Әли былай деген: Дүниеде ең жақсы нәрсе дені сау болу. Ең жаман нәрсе басқаларға қол ашу.
Дін – әдептілік және қарапайымдылық деген сөз. Кіретін есігі әдептілік, одан кейін қарапайымдылық келеді.