Оразаны бұзатын нәрселер

• Қателесіп бұзу.
• Тамағына қар және жаңбыр кетіп қалу.
• Зорлап бұздыру.
• Мұрынға сұйық дәрі құю.
• Мұрнына иіссу жағу.
• Муқим кезде бастаған оразасын сапарда бұзу.
• Басқа адам шеккен темекі түтінін өзі қалап иіскеу
• Құлақтың ішіне дәрі тамызу.
• Терідегі жараға жағылған дәрінің ішке кіруі.
• Денеге инемен (укол) дәрі егу.
• Қалап, қинап ауыз толтырып құсу.
• Тісі қанаған немесе тісін жұлдырған адам аузындағы қанды жұту немесе түкірікпен бірдей мөлшерде аралас қанды жұту.
• Сәре уақытының біткенін білмей жеп-ішу.
• Күн батты деп ойлап ауыз ашу.
• Тістердің арасында қалған ноқат үлкендігіндегі нәрсені жұту.
• Ауырған тісін укол салдырып, жұлдыруға мәжбүр болған адам ораза бұзылғандықтан жеп-ішсе тек қаза етуі керек.
• Дәрет алғанда аузына су кету.
• Қағаз, тас, мақта, шөп, піспеген күріш сияқты дәрі және азық болмаған нәрсені жұту.
• Ұйықтап жатқанда аузына су құю.
• Ораза екенін ұмытып жеген кезде ораза бұзылды деп біле тұра жеуді жалғастыру.
• Рамазанда таңға дейін ниет етпей кейіннен ниет етсе, түстен бұрын немесе кейін оразасын бұзу.

Бұлардың барлығында ораза бұзылады және айттан кейін бір күн үшін бір күн қазасын тұтып береді.