Намаздың уәжіптері

1) Фатиха сүресін оқу
2) Фаихадан кейін бір сүре немесе үш аят оқу.
3) Фатиханы зәм сүреден алдын оқу.
4) Зәм сүрені парыздардың 1-ші және 2-ші рәкаттарында, ал сүннеттердің барлық рәкатында оқу.
5) Сәжделерді бірінен соң бірін жасау.
6) Екінші рәкатта тәшәххудты оқып болатындай уақыт отыру.
7) Сәждеде мұрнын да, маңдайын да жерге тигізу.
8) Соңғы рәкатта отырған кезде әттәхийәту оқу.
9) Намазда тадили әрканға мән беру.
10) Намаздың соңында әссәләму алайкум деу.
11) Үтір намазының үшінші рәкатында, зәм сүреден кейін Құныт дұғасын оқу.
12) Айт намаздарында тәкбір айту.
13) Имамның таң, жұма, айт, тәрауих, үтір намаздарында және ақшам мен құптан намазының алғашқы екі рәкатында жоғары дауыспен оқуы.
14) Имам және жалғыз оқылған бесін және екінді парыздарында және ақшам намазының 3-ші, құптан намазының 3-ші және 4-ші рәкаттарында дауысын шығармай оқу.

Құран кәрімнің сүрелерін Мусхафтағы ретімен оқу әрқашан уәжіп. Намаздың уәжіптерінен бірін біле тұра орындамау намазды бұзбайды, бірақ күнә болады. Қайта оқу уәжіп болады. Егер қайта оқымаса фасық болады. Уәжіптерінің бірін ұмытып орындамаған адам, сәһу сәждесін жасайды. Ол үшін бір жаққа сәлем бергеннен кейін 2 рет сәжде жасап отырып, намазды аяқтайды.