Ана тілің – арың бұл, Ұятың боп тұр бетте.
Өзге тілдің бәрін біл, Өз тіліңді құрметте!..
♦♦♦ ♦♦♦ ♦♦♦
Адам күліп тумайды, туа сала күлмейді.
Үйренеді күлуді, бірақ күліп өлмейді.
Адам жылап туады, жатады жұрт жұбатып,
Және жылап өледі, өзгені де жылатып.
Жылайтыны туарда – жамандар бар қинайтын,
Жылайтыны өлерде – жақсылар бар қимайтын.
♦♦♦ ♦♦♦ ♦♦♦
Адамның шашқаны емес – тергені,
Алғаны емес – бергені қалады.
♦♦♦ ♦♦♦ ♦♦♦
Жастығым өтті деп не керек уайым ғып,
Жігіттік дегенің – қартыққа дайындық.
Жылама, о, досым, жігіттік тәмәм деп,
Жыла сен қарттыққа дайындық жаман деп!
♦♦♦ ♦♦♦ ♦♦♦
Отаныңнан қанша шақырым ұзақтасаң,
Сонша шақырым рухани жақындай түсесің.