Рамазан сұхбаты - Пітір беру
Өзіне қажет заттардан, қарыздарынан артылатын малы және ақшасы бар әрбір мұсылман рамазан айында айт намазына дейін пітір беруі уәжіп. Сапардағы адамның да пітір беруі керек.
Қажет нәрселер дегеніміз бағасы қанша болса да бір үй, бір айлық азық-түлік, жыл сайын үш қабат киім, үй заттары, қөлік құралдары, мамандық кітаптары және төлейтін қарыздар. Саудаға арналмаған, қажеттілігінен артылатын нәрсе, жалдағы үйлер, үйіндегі әшекей бұйымдар, өнер және сауда заттары, жерге төселмеген кілемдер, қолданылмайтын артық үй заттары - пітір мен құрбандық етілетін заттар болып табылады.
Пітір ретінде 1750 гр бидай немесе бидай ұны, 3,5 кг арпа, құрма немесе кепкен жүзім беріледі. Осылардың бағасымен есептеп алтын немесе күміс беруге болады.
Сұхбат - Тафсир және Хадис
Ғалым болмаған адамдардың, тәпсірден, хадистен дін үйренуі мүмкін емес. Мысалыға дәреттің фарызы Ханафиде 4, Шафииде 6, Малики және Ханбалида одан да көп. Тәфсир және Хадистен дәреттің фарзын үйренудің өзі мүмкін болмағанда, ақида (сенім) мәселелерін үйрену қалай мүмкін болмақ? Сондықтанда Ислам ғалымдары жылдар бойы еңбектеніп, Құран кәрім мен Хадис шәрифтерден шығарған үкімдерін, кітаптарға жазған.
Бір мұсылман қай мазһабта болса, сол мазһабтың кітаптарын оқып, дінін үйренуі керек. Әр мұсылман бір илмихал кітабын оқып дініне қатысты бүкіл мәліметтерді үйрене алады. Қарапайым бір адамның медициналық кітапқа қарай отырып ауруларға диагноз қоюы, емдеуі және операция жасауы миллионда бір ықтималдылық болса да іске асуы мүмкін. Бірақ, Құран мен Хадистен тікелей дін үйренуі мүмкін емес. Яғни әрбір істі өз маманынан үйрену керек. Фиқһ кітаптарын мұсылмандарға “жау” ретінде көретіндер, “Дінді Құран және хадистен тікелей үйреніңдер!” дейтіндер барып тұрған сауатсыз надандар немесе дінде фитна-бүлік шығарып, мұсылмандар арасына іріткі салып, саналарын улау үшін жүрген адамдар.