Сұхбат - Кәлима-и шаһадат
Кәлима-и шаһадат - «Әшһәду ән Ла илаһә иллаллаһ уә әшһәду әннә Мухаммәдән абдуһу уә расулуһ» деу. Шаһадатты айтудың 130 пайдасы бар. Бұлардың 30-ы мыналар:
Дүниедегі пайдалары:
- Аты әдемі айтылады.
- Исламның бұйрықтары мен тыйымдары өзіне парыз болады.
- Жазадан және төмендетілуден құтылады.
- Аллаһу Тағала оған разы болады.
- Барлық мүміндер оған сүйіспеншілікпен қарайды
Өлер кездегі пайдалары:
- Әзірейіл алейһиссәлам оған әдемі кейіпте келеді.
- Майдан қыл суырғандай етіп жанын алады.
- Жұмақ иістері келеді.
- Сүйіншілейтін періштелер келеді. «Сәлем, ей, мүмін. Сен жұмақтықсың» дейді.
Қабірдегі пайдалары:
- Қабірі кең болады.
- Мүнкәр мен Нәкір әдемі кейіпте келеді.
- Бір періште оған білмегенін үйретеді.
- Аллаһу Тағала білмегенін есіне салады.
- Жұмақтағы орнын көреді.
Арасаттағы пайдалары:
- Сұрақ пен есеп беру оңай болады.
- Дәптері оң жағынан беріледі.
- Мизанда сауабы ауыр басады.
- Арштың астын көлеңкелейді.
- Сыраттан найзағайдай тез өтіп кетеді.
Тозақтағы пайдалары:
- Тозаққа кірсе, тозақ өкілдері сияқты көздері көк болмайды.
- Шайтанымен керіспейді.
- Қолына оттан кісен, мойнына шынжыр салынбайды.
- Ыстық судан ішкізілмейді.
- Тозақта мәңгі қалмайды.
Жұмақтағы пайдалары:
- Барлық періштелер оған сәлем береді.
- Сыддиқтармен (шыншылдар) жолдас болады.
- Жұмақта мәңгі қалады.
- Аллаһу Тағала оған разы болады.
- Аллаһу Тағаланың жамалын көреді.