Оқиға - Пайғамбарымыздың немересі
Хазреті Мұхаммед Бақыр әһли бәйттен (пайғамбарымыздың ұрпағынан) хазреті Хусейннің немересі және үлкен ғалымдардан болған.
Бір күні сахабалардан хазреті Жабирдің жанына барады. Хазреті Жабирдің кәрілік халімен көздері көрмей қалған еді. Мұхаммед Бақырдың сәлемін алғаннан кейін “Сен кімсің?” деп сұрады.
– Мұхаммед бин Әли бин Хусейнмін
– Ей расулуллаһтың немересі жаныма кел!
Мүсафаха (қолын алғаннан) жасап көріскеннен кейін:
– Расулуллаһ маған айтқан еді: «Ей Жабир! Сен менің балаларымнан біреуін көріп сөйлескенге дейін өмір сүресің. Баламның аты Мұхаммед бин Әли бин Хусейн. Аллаһу та’ала оған нұр және хикмет береді. Оған менен сәлем айт!»
Хазреті Жабир аманат болған бұл сәлемді иесіне жеткізгеннен кейін біраз күннен соң қайтыс болды.
Мәлімет
Имам Ғазали “Кимйа-и саадет” атты кітабында былай жазады: «Аллаһу та’ала құлдарына пайғамбарлар жіберген. Осы ұлы адамдар арқылы құлдарына мәңгі бақытқа жеткізетін және мәңгі азапқа алып баратын себептерді, істерді білдірген. Пайғамбарлардың ішінде ең ардақтысы, ең ұлысы және ең соңғысы Мұхаммед алейһиссалам. Ол бүкіл адамзат баласына пайғамбар болып жіберілген. Жер бетінің кезкелген аймағында өмір сүретін әр адамның осы ұлы пайғамбарға иман етуі және бағынуы шарт.»