Untitled Document

Сұхбат - Інжіл не дейді? (1)

Барлық пайғамбарлардың алып келген діндері өз замандарының қажеттіліктеріне, талаптарына сай болғандықтан бір-бірінен өзгеше еді. Бірақ барлығында иман келтірілетін негіздер бірдей болатын. Барлығы Аллаһу та’аланың бір екендігін, өлгеннен кейін қайта тірілудің бар екендігін айтқан. Тәснийа атты кітаптың 4-бөлімінің 39-аятында: «Жер мен көктің иесі біреу ғана, басқа ешкім жоқ», 6-бөлімінде: «Ей Исраил ұрпақтары тыңдаңдар! Аллаһымыз, Раббымыз біреу» делінген. «Сифр-ул мулуки салис»те Сүлейман алейһиссалам Байтул муқаддасты (Иерусалимдегі Ақса мешітін) соққан кезінде: «Ей Исраилдің Аллаһы! Жерде де, көкте де сен сияқты Рәббі жоқ. Менің салған мына мешітім былай тұрсын, Сен жер мен көкке де сыймайсың» деп айтқандығы жазылған. «Сифр-ул мулук-ил-әууел»де “Самоил-1”дің 15-бөлімінің 29-аятында, Самоил пайғамбардың: «Исраилдың илаһы және құдайы өтірік айтпайды, өкінбейді. Өйткені ол адам емес» деп айтқандығы жазылған. Ашъиа пайғамбарға тән екені айтылатын кітаптың 45-бабында: «Құдай менмін! Менен басқа Аллаһ жоқ. Нұр мен қараңғылықты, жақсылықпен жамандықты жаратқан менмін» деген жазулар бар. Матта Інжілінің 19-бабында: «Біреу одан: “Ей жақсы мұғалім! Мәңгі бақытты өмірге жету үшін қандай жақсылық жасасам болады?” деп сұрағанда “Неге маған жақсы дейсің? Бірден басқа жақсы жоқ. Ол да Аллаһ. Мәңгі бақыттты өмірге жеткің келсе, Оның бұйырған нәрселерін мүлтіксіз орында!”»- деп айтқандығы жазылған. Маркус Інжілінің 12-бабында: «Хатшылардың бірі: “Бірінші әмір не еді?” деді. Иса алейһиссалам оған жауап ретінде: “Әмірлердің алғашқысы Раббымыз бір. Күшің жеткенінше бүкіл жүрегіңмен оны жақсы көр!”-деді» делінген. Мұхаммед алейһиссалам да дәл солай бұйырған.

(жалғасы ертең)